12/1/1432هـ

بسم الله ..

وشخباركم ..؟

آول شي تحمدو علي بالسلامه بغيت اموت اليوم .. مادري وش جاني والله بطني مايستحي على روحه من كثر الوجع سممه

حسبي الله على ابليسه ..

وشسمه باركولي كسرت جوالي الايفون قبل شوي والله يانا قوي كسرته انا بالبيت ماشاء الله علي

ماني قايل لكم من زمان اني قوووووي ههه

لكن مااعرف وشلون طريقة تنزيل البرامج من السيديا ..

ايه نسيت ذكروني تكفون اقولكم عن قصت اختى صديقي وش صار لها ..

الصراحه مايسحتي على روحه لكن ذكروني إذا صرت رايق على الاخر اقوله لكم بالتفصيل الممل .. خخخ

....................................................

انزل تحت شوي بعد

حتى هدف حياتي طلع تسلل

يوم قريتها قلت شكله الحب ذابحه وجايته ذبحه صدريه بالرئه اليسرى < هع هع

صدق والله الناس بدت تحب يعني وش اقصد بالحب ؟؟؟

اقصد انه فهد اللي هو انا احب صديقي عبدالله حب في الله .. لكن يجيك يوم من الايام يخونك < تراه يضرب على سبيل الامثال ايوالله

هههههههههههههههههههه

فـ الخيانه وين يصرفها الاخ فهد بعد مايجرح قلبه بعدت دبابيس < حلوه الجمله .. لكن بالدنيا لاتوفي باأحد .. بتقول ليشش ؟

لان ابرد عليك واقول والله تتعب مع الشخص اللي معطيه كل حياتك بيجي يوم من الايام تتفارق انت وياه ..

سوء بيموت او عمل او زواج < يرفع يدينه ويقول الله يرزقنا .. ههههههه

بس الواحد يحفظ لسانه من الكلمات البذيئه والكلمات السيئه ..

عشان تذكر بالخير سوء بالدنيا او بالاخير ..

ولا تستغربون اني تكلمت على الموضوع هذا لاني صادق وربي ..

اذكر قبل سنه ونص قريبـآ اتصل علي واحد ضايق صدره قال لي ابو صالح ؟ قلت سم قال تكفى انا محتاج لك ضروري ..

< شوي ويصيح .. قلت عسى ماشر قال ابمرك اللحين .. قلت يالله انا انتظرك ..

إلا الرجال مصدوم صدمه نفسيه .. !!

سألته قلت تكلم فضفض قل كل اللي بخاطرك .. الرجال مسكت وإلتفت عليه وإلا اشوف دمعته تسيل على الخد ..

انا نصحته وقلت له استغفر ربك ترى الدنيا ماتسوى .. وتكلم وقل وش فيك ناقص فلوس < شوفو من يتكلم الوليد هههه

وأكملكم .. إلا الرجال صادمه واحد من اعز اخوياه يقول قسم بالله يافهد كان الشخص هذا قريبا لي إلى تصل انه اقرب منك

< شوي وإلفعه بس شفت دموعه وتصبرت عليه ههه

عاد انا سألته قلت ليش صدمك الرجال .. شتمك مثلا .. قال يالليت والله .. قلت طيب وش صار ..

قال .. اكتشفت منه انه يسبب نميمه بيني وبين الشباب اللي كانا نجتمع مع بعض .. يعني مايبغاني اطلع معهم ..

انا قلت يوووه إلا الدرجه يسوي معك هذا .. قال ولا بعد ماسرق جوالي إلا هو وانا داري بس غافل له ..

يقول لي .. قلت مابي جوال يفرقنا .. << انا عند كذا عرفت ان الرجال موفي معه لكن الواطي هذا سوا خيانه ..

فـ الواحد لايوفي بالدنيا كل حياته عشان شخص ما ..

لان بيجي يوم من الايام يياخونك او يجرحك كثر جرح النار ..

وقبل مااقفل الموضوع .. هذا واحد اسمه حامد الهوته .. ياحليله .. الناس عنده اختبار وهو قاعد يكشخ ويقول صوروني تكفووون ههه

عاد انا زرقت لكم صوره عشان تشوفون الاحداث هههه

< تراه مدلعكم على الاخر .. خخخخخخخخخ

ياحبيلكم بس ..